我到底有甚麼好？

下星期更期

21/1:0700-1430
22/1:0630-1430
23/1:0630-1430
24/1:0630-1430
25/1:OFF
26/1:0630-2200
27/1:0630-1430

Orz

終於做左令我R爆頭既事!

呢兩日放假,幫兩架車仔換哂D鈴同呔,
痴膠水痴到我痴咁滯!尤其是M03R既呔,
細細條,痴到喊!
但最後總算順利完成啦!遲D POST相!

身體上的累,總不比心靈上的累難受。

我的肩膀,手擘,雙腿……整個身體也很累很累,
「我需要休息」是腦袋不停傳給自己的訊息。
這陣子的我能保持早睡早起,生活還算得上是有規律。
縱使有時在工作上會承受壓力,有時會被迫得透不過氣,
心靈累透了,
但這樣的「累」會在打咭下班時被一掃而空。

難得縮短的距離,一下子又給拉遠了。

世上真正只屬於我的,
就是在自己死掉之後帶進那四塊半裡的東西,
它的名字是:回憶。

你的回憶中包含了甚麼?
酸甜苦辣統統都屬於你。
只有你才可創造它,但時間會設法搶走它。
只有你可以深化它,亦可以任由時間洗滌它。
你是當中的主角,它能在你失意時幫你一把;
亦因為你是主角,在它要觸碰你那死穴時,你也無從反抗。
你的生命就這樣不斷創造﹑毀滅回憶,
你的生命就此被回憶依附著,

請不要失去回憶,它將會是你生命中的瑰寶。

14/1-20/1's 更期

14/1:0800-1800
15/1:0800-1800
16/1:0630-2200
17/1:off
18/1:off
19/1:0630-1430
20/1:0630-1730

揀呢個,揀果個,定係兩個都唔揀?

我真係接受唔到男人打女人,
接受唔到……

真正既試煉,下星期就要開始。

下星期既更期真係ok奇怪,又有機會試新野喇!!新海南雞飯!!
今次係出去燒味幫手打荷!!夠哂刺激!!
大佬對我真係好=W=
都未開始培訓就俾d咁既野我玩,搞得掂都還好,
到時搞到冧哂檔就真係有怪莫怪囉!
不過,呀魯揀得我出去,我就有信心做得好好睇睇!!

睇住黎!!

7/1-13/1's 更期

7/1:0800-2030
8/1:0800-2030
9/1:0800-2030
10/1:0800-2030
11/1:OFF
12/1:0630-1430
13/1:0800-2030

升職加人工!!

如無意外,二月一號,我又(又……)升助廚=3=
諗黎諗去,諗左個幾月,不如搞掂佢,唔使心大心細!
如果你覺得我讀完中七去做大家樂係浪費既話,
我可以話俾你聽,我由零四年做PT做到而家(唔計上年做左一排助廚)
我唔想永遠都係斷鐘計,我都想有份穩定既收入,
就算要犧牲放假同收早既自由,
我都唔想做左咁耐都係得廿幾蚊個鐘,
我都唔想有一日走出大家樂門口之後,我只係一張白紙。

半年,我要半年上到三廚!!

許勝不許敗!

我同曉玲既關係都算幾特別,
世界上咁多女仔,同我一齊過既少之又少,
分開左仲可以做朋友既,更加只有佢一個。
我並唔係仲鐘意佢,只係…感激佢響我人生入面,
同我度過一小撮美好時光,
似乎,重點並唔係在於佢本身,而係大家一齊創造既回憶,
雖然我知道好多年之後我一定會唔記得,
甚至另一位既出現已經可以令我忘記佢,
但係…記性太好就係我既缺點,哈哈!!

我要快D忘記佢!

「這次再對著前度要她高舉姆指」

好喇,,,呀sir話聖誕節請我返237客串,
聖誕節就過左喇,原來我份糧都唔係非比尋常地高,
大家樂都算(係「算」)一間有良心既公司,
配合返通漲加人工,如果仲停留響$18@hr既話,真係搵鬼做咩!!
同埋,大家樂真係養活左唔少「一家幾口」,
好似某某同事,同我差唔多大,就靠份同我差唔多既糧養佢雙親,
而我呢?
我就諗d錢應該點使好…雖然每個月都有俾「家用」珍姐,
但係……我仲有四年零兩個月就廿五歲,都要為自己既人生打算下,
以前好多野都可以玩玩下,但係人一世物一世,點都要有認真既時候,
而家仲後生,梗係要搵多d錢,好多好多錢!!
「做唔做大家樂既長工呢…?」呢個問題我諗左好耐
諗到今日仲諗緊,我之前係試過由PT直接升助廚,
但係……162俾我既回憶可以話係夢魘!!
仲有其他問題好似私人時間呀,剩呀,唔講咁多。
重返237,得到既,係呀sir讚我性格改變左,
平哥讚我有耐性,竟然有人讚我有耐性!!廿年來第一次!!
陳曉玲都話我唔同左,呢d係咪「這次再對著前度要她高舉姆指」?哈哈
講笑,不過,真又好假又好,我都相信「好人會變壞,壞人先會變好」,
要響大家樂呢個大染缸出淤泥而不染唔係一件易事,
長工又好PT又好,我都要KEEP住!!